ШҲТнинг 2016 йилги саммити Тошкентда ўтказилади

ШҲТнинг 2016 йилдаги саммити Тошкентда бўлиб ўтади. Бу ҳақда Тожикистон президенти Имомали Раҳмон айтиб ўтди.
“2016 йилда биз Тошкент шаҳрида тўпланамиз. Маълум маънода бу ШҲТ учун юбилей саммит бўлади – биз ташкилот яратилганининг 15 йиллигини нишонлаймиз”, – унинг сўзларини келтиради РИА Новости агентлиги.
Шунингдек, Тожикистон етакчиси тез орада Эроннинг ШҲТга қўшилишига умид билдирди:
“Тожикистон Ҳиндистон ва Покистоннинг ШҲТга қабул қилиш жараёнини бошлаш тўғрисидаги қарорни тўлалигича қўллаб-қувватлайди. Умид қиламанки, энг яқин келажакда Эрон Республикаси ҳам ташкилотимиз аъзолари сафига қўшилади”.