Олтойда иккита бола тириклай ёниб кетди

Россиянинг Олтой ўлкасида машина ичида ёлғиз қолдирилган иккита бола олов билан ўйнаб, тириклай ёниб кетди, деб хабар беради “НГС.Барнаул” ресурси.

Айтилишича, чоршанба куни Смоленск туманидаги уйнинг ҳовлисида турган машина салонида ёнғин келиб чиққан. Олов етказган жароҳатлар оқибатида икки ёшли болакай воқеа жойида ҳалок бўлган, уч ёшли бошқа бола эса шифохонада оламдан ўтган.
Тахминларга кўра, болалардан бири салон ичида қоғозга ўт қўйган, шундан сўнг ёнғин келиб чиққан.