Баланд бинолар ва шаҳар муҳити халқаро кенгаши 2014 йилда осмонўпар биноларнинг қурилиши ҳақида ҳисоботни чоп этди. Уни тузишда 2014 йилда фойдаланишга топширилган 200 метрдан баландроқ бўлган иншоотларгина ҳисобга олинди.
Ўтган йил охирида Хитойда энг кўп баланд бинолар қурилиши якунланди. Қурилган 58 та бинонинг умумий баландлиги 13 минг 549 метрни ташкил этади. Таққослаш учун: стратосфера қобиғи ер сиртидан 11 минг метрдан баландликда бошланади.
Таъкидлаб ўтиш жоизки, Хитой баланд бинолар бўйича мутлақ ғолиб ҳисобланади, чунки у бу борада ўзидан кейинги келаётган давлатлардан анча-мунча олдинлаб кетган, яъни 2- ва 3-ўринни эгаллаган Филиппин ва Қатар давлатлари мос равишда бор-йўғи 5 ва 4 та бинони фойдаланишга топширганлар.
1. Emirates Tower One, Дубай, БАА. 2000 йилда қурилган. Баландлиги 354,6 метр.
2. Menara Telekom, Куала Лумпур, Малазия. 2001 йилда қурилган. Баландлиги 310 метр.
3. Kingdom Centre, Ар Риёд, Саудия Арабистони. 2002 йилда қурилган. Баландлиги 302,3 метр.
4. Two International Finance Centre, Гонг Конг, Хитой. 2003 йилда қурилган. Баландлиги 412 метр.
