Президент Равшан Эрматовни мукофотлади

Ўзбекистонлик ФИФА рефериси Равшан Сайфутдинович Эрматов «Буюк хизматлари учун» ордени билан мукофотланди. Бу ҳақдаги Ўзбекистон президенти Ислом Каримовнинг фармони 31 декабрь куни имзоланди.

"Мамлакатимизнинг спорт соҳасидаги шон-шуҳратини юксалтириш, халқаро майдонда ўзбек футболи нуфузини ошириш, миллий футбол ҳакамлари мактабини ривожлантириш борасидаги катта хизматлари ҳамда ёш авлодни она-Ватанга муҳаббат руҳида тарбиялаш ишларига қўшган муносиб ҳиссаси учун Ўзбекистон футбол федерациясининг халқаро тоифадаги ҳаками, ФИФА рефериси Равшан Сайфиддинович Ирматов “Буюк хизматлари учун” ордени билан мукофотлансин", дейилади фармонда.