Дерипаска заиф рублдан фойдаланишга чақирди

“Русал” компанияси раҳбари Олег Дерипаска Россия ривожланишининг хом ашёга асосланган модели якунлангани, ишлаб чиқарувчилар экспортни ошириш учун девальвациядан фойдаланишлари кераклигини айтди, деб хабар бермоқда RNS.   

“Бугун доллар курси 80 рублни ташкил қилмоқда. Бизнинг иқтисодий сиёсатимиз ҳақида етарлича айтилган, у равшан – ҳеч нарса қилмаслик, шунинг учун ҳаммаси ўзимизга боғлиқ”, деб айтди Дерипаска.

Дерипаска “афсусланишга” энди кеч эканлигини, қайта ишланган материал ва яримтайёр маҳсулотлар экспортини ошириш учун заиф рублдан фойдаланиш кераклигини таъкидлади.

Бундан ташқари, Дерипаска 2016 йил давлат ишлаб чиқарувчиларни қўллаб-қувватлайдиган охирги йил бўлишини, 2017 йилдан бюджетда пул бўлмаслиги сабабли энди уларнинг ўзлари давлатга ёрдам беришларига тўғри келишини айтди. 

Аввалроқ Россиянинг собиқ молия вазири Алексей Кудрин Россия ҳукумати нефть нархининг ошишига умид қилмаса ҳам бўлишини айтганди.