«Барселона» ҳужумчиси Лионель Месси олган кичик жароҳатидан тўлиқ фориғ бўлди.
Marca нашрида ёзилишича, Месси каталонияликларнинг кечаги машғулотида иштирок этди.
Эслатиб ўтамиз, «Барселона»нинг 20 тур доирасида «Атлетик»ка қарши ўйини (6:0) вақтида Линоель Месси мушакларини шикастлаб олган ва иккинчи таймда майдонга қайтмаганди. Шу туфайли у Испания кубоги доирасида 20 январь куни ўтказилган «Атлетик»ка (2:1) қарши ўйинни ўтказиб юборди.
Футболчи Испания чемпионатининг 21-тури доирасида «Малага»га қарши ўйинда жамоасига ёрдам бериши кутилмоқда.
Қўшимча қилиб айтиб ўтиш жоиз, «Барселона» машғулотида ҳимоячи Алейш Видаль иштирок эта олмади. У оёғидан жароҳат олган. Унинг шанба куни бўладиган ўйинда иштирок этиши савол остида турибди.
