Хитой ва Эрон ўзаро муносабатларнинг "янги мавсуми"ни бошлади

Эрон президенти Ҳасан Руҳоний Хитой Халқ республикаси раҳбари Си Цзиньпин билан учрашув ўтказди. Бу ҳақда маҳаллий телевидениега асосланган ҳолда Рейтер агентлиги хабар тарқатган.

Учрашув чоғида давлат раҳбарлари икки томонлама иқтисодий ва сиёсий алоқаларни мустаҳкамлаш бўйича муҳокама ўтказишган ва "ўзаро алоқаларнинг янги мавсуми" бошланиши ҳақида айтишган.

"Биз Эрондан санкциялар ечилиши муносабати билан юртимизга Си Цзиньпиннинг келганини кўриб турганимиздан жуда хурсандмиз", деган Руҳоний.

У шунингдек, Эрон ва Хитой ўзаро маҳсулот айирбошлаш ҳажмини йилига 600 млрд долларга етказиш бўйича келишувга эришгани ҳақида айтган.

Си Цзиньпин ҳам ўз мамлакатининг Эрон билан ҳамкорликни ривожлантиришдан манфаатдор эканини қайд этган ва хитойликлар бу мамлакатнинг энергетика бозорига катта қизиқиш билан қараши ҳақида билдириб ўтган.

Бундан олдинроқ, Япония Эронга қарши санкцияларни бекор қилгани тўғрисида хабар берилганди.