Рақсга тушиш, спорт ва ижод билан шуғулланиш, куйлаш, шунчаки эмас, балки ёш ёки таниқли эстрада хонандаси билан бир саҳнада чиқиш қилиш учун вокал дарсларига мунтазам қатнашиш.
Энг асосийси-ҳар бир машғулот бесамар кетмаганини кўрсатиш, ота-она ва дўстлар олдида ҳисобот бериш, омма билан ишлай олиш кўникмаларини кўрсатиш, саҳнага илк қадам қўйгандаги ва у ердаги ҳамма прожекторлар сенга қаратилгандаги қўрқувни енгиш, мусиқа ва унинг тарихини гуруҳдошларинг билан бирга ҳис этиш, ўзингни гуруҳнинг таркибий қисми сифатида сезиш ва ҳар бир ҳаракатни максимал даражада кетма-кет олиб бориш.
Залнинг гулдирос қарсаклари, фотокамералар овозини эшитиш, атрофда югуриб юрган операторларни кўриш, смартфонлар камералари марказида бўлиш, чуқур нафас олиб, ўз кучингга ишончни ҳис этиш, биринчи гулдастани олиш(Ота-оналар томонидан уюштирилган бўлса ҳам) муваффақият журналига яна бир кичик муваффақиятни қўшиб қўйиш.
7 февраль куни 4 ёшдан бошлаб 100 га яқин иштирокчилар билан навбатдаги “Рақс оҳангида” ҳисобот концерт дастурини ўтказган DLUX рақс студиясининг мақсади худди шундай.
Тадбирга ҳомийлик қилган «Musaffo», «ForKids», «Сочная долина», «BonCake» каби савдо белгиларининг ҳам ғояси шу.
Концертга иштирокчилар уч ой мобайнида тайёргарлик кўришди ва миллий рақс,замонавий хореография, dancehall, hip-hop, jazzfunk, болалар гимнастикаси, болалар рақси, вокал, лазги, lady’sstyle ва Лонтин Америкаси рақслари йўналишларида чиқиш қилди.
Концертда болаларни қўллаб-қувватлаш учун SeTanho гуруҳининг яккахони Лайло Галиева ҳамда ёш хонанда Улуғбек Ҳолиқов ташриф буюриб, иштирокчилар билан бир саҳнада қўшиқ ижро этди.
Ўзбекистон давлат цирки артистларининг ажабтовур акробатик трюклари билан концерт янада қизиқарли ўтди.
Концертнинг барча иштирокчилари ва DLUX рақс студияси педагоглари миннатдорлик ёрлиқлари ва ҳомийларнинг эсдалик совғалари билан тақдирланди.
Индира, Лейсаннинг онаси:
Бугун Лейсан бадиий гимнастика бўйича чиқиш қилади. DLUX рақс студиясида биз беш ойдан бери шуғулланамиз, концертга 2,5 ой тайёргарлик кўрдик яъни биз танлаб олинган қизлар гуруҳида эдик, натижани бугун кўрамиз. Фарзандларингни саҳнада кўриш, улардаги ижодий қобилиятнинг ривожланаётганини ҳис этиш-кишига катта қувонч бахш этади. Табиийки, кўпроқ байрамлар бўлишини, болаларнинг кулгусини кўпроқ кўришни истайсан.
