Миср шимолидаги Александрия шаҳридан мамлакат пойтахти Қоҳирага учишни амалга ошираётган EgyptAir авиакомпаниясига тегишли А-320 русумли йўловчи самолёти номаълум шахс томонидан гаровга олинган.
17:54 EgyptAir самолётини гаровга олган шахс таслим бўлди
17:27 Ларнакида махсус ҳарбийлар гаровга олинган Миср самолётини штурм қилишга тайёрланди
17:12 А-320 самолётини гаровга олган шахс самолётга ёқилғи қуйиб, Туркияга учишни талаб қилди
16:50 Миср ҳукумати профессор Иброҳим Самаҳадан унга А320 самолётини ўғирлаш бўйича қўйилган айблов учун узр сўради
16:39 EgyptAir самолётини гаровга олгани айтилган, Мисрдаги ва АҚШдаги университетлар профессори бўлган Иброҳим Самаҳа бу адашув бўлгани ва ўзининг оддий йўловчи эканини маълум қилган.
"Биз нималар рўй берганини билмадик. Биз самолёт бортига чиққандик ва экипаж аъзолари паспортларимизни йиғиб олишга киришганини кўриб ҳайрон бўлдик. Самолёт ичкарисида нимадир бўлаётгани аниқ эди <...> Кейин тушуниб етдикки, биз Қоҳирага эмас, шимолга уча бошладик. Яъни, Кипрга. Аввалига экипаж самолётда техник носозлик юз берганини, кейинроқ самолёт гаровга олинганини маълум қилди", – дея ҳикоя қилади Самаҳа.
16:24 Кипр президенти: Мисрнинг А320 самолёти гаровга олиниши террорчиликка алоқадор эмас
