Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Фан-техника | 18:08 / 11.08.2016
    5790
    2 дақиқада ўқилади

    Mercedes-Benz улкан концепт-купе яратди

    Германиянинг Mercedes-Benz компанияси янги концептуал купесининг суратини намойиш этди. Немис автомобилсозлик компаниясининг қайд этишича, прототип купенинг габарит узунлиги салкам 6 метрни ташкил этади. Унинг бошқа кўрсаткичлари ҳақида маълум қилинмаган. 

    Намойиш этилган суръатда компаниянинг Maybach савдо белгиси кўзга ташланади. У, кузов орқа томонининг ёнига жойланган. Ҳозирча, ушбу савдо белгиси билан Mercedes-Benz компаниясининг ҳашаматли S-таснифида ягона модел ишлаб чиқарилади.

    Қайд этиш жоиз, шу пайтга қадар, Mercedes-Benz компанияси узунлиги 6 метрни ташкил этувчи купе ишлаб чиқармаган. Биргина S-Class Coupe моделининг габарит узунлиги 5027 ммни ташкил этган. 

    Autocar журналининг хабарига кўра, концептнинг тақдимоти Американинг Пеббл Бич масканида 21-августда бўлиб ўтадиган нафислик танловида бўлиб ўтади. Концепт-кар эса, Maybach мутахассисларининг иқтидорини намойиш этиши лозим. 

    Аввал ҳам, Mercedes-Benz компанияси Maybach машиналари турини кўпайтиришни режалаштираётгани ҳақида бир неча маротаба хабар қилинган эди. Тахминларга кўра, E-таснифи ва  GLS йўлтанламаслари қатори янги модификациядаги моделлар билан тўлдирилиши мумкин.