Златан: «Погба «МЮ»га мен туфайли келди»

«Манчестер Юнайтед» ҳужумчиси Златан Ибраҳимович маълум қилдики, жамоанинг бошқа бир янги футболчиси, ярим ҳимоячи Поль Погба «қизил иблислар» жамоаси сафига унинг футболкалари сотувидан тушган пул эвазига келди.

«Алал-оқибат менинг футболкалари уни қайтарди», — дея ёзган Ибраҳимович «Инстаграм»даги саҳифасида.

Ушбу тажрибали футболчи «ПСЖ» билан шартномаси муддати якунлангач, «Манчестер Юнайтед»га эркин агент мақомида келди ва 1 йиллик шартнома тузди. Унинг йиллик маоши миқдори - 16 миллион еврони ташкил этади.

У харид қилинганидан 1 ой ўтиб, унинг номи туширилган футболкалардан жамоа 90 миллион евро ишлади.

Поль Погба эса 9 август куни 105 миллион евро эвазига «Ювентус»дан харид қилинди.