Кечки дайжест: 27 октябрнинг энг муҳим хабарлари

Якунланиб бораётган 27 октябрь Ўзбекистон ва жаҳонда юз берган турли воқеа-ҳодисаларнинг энг саралари Kun.uz дайжестида.

Махсус лабораториялар Ўзбекистондаги йўлларнинг сифатини аниқлайди

Ўзбекистон автойўлчилари йўллар сифатини яхшилайдиган махсус тадқиқот лойиҳасини ишга туширмоқда.

>>>  Батафсил.

Афғонистон ҳукумати вакиллари Ўзбекистонга ташриф буюрди

27 октябрь куни Ўзбекистон Республикаси ташқи ишлар вазири Абдулазиз Комилов Афғонистон Ислом республикаси президентининг иқтисодий масалалар бўйича катта маслаҳатчиси Ҳумоюн Қаюмий ва президентнинг Марказий Осиё давлатлари ҳамда Россия билан ҳамкорликни ривожлантириш бўйича махсус вакили Муҳаммад Шокир Коргарни қабул қилди.

>>>  Батафсил.

Италия марказида бир кун ичида учинчи марта зилзила рўй берди

Италиянинг марказий ҳудудларида бир сутка давомидаги учинчи ер силкиниши қайд этилди, деб хабар қилмоқда RaiNews24 телеканали.

>>>  Батафсил.

Керри: Россия ва Эроннинг иштирокисиз Сурия муаммосини ҳал этиб бўлмайди

АҚШ давлат котиби Жон Керрининг сўзларига кўра, Сурия инқирозини Россия ва Эрон иштирокисиз ҳал этиш мумкин эмас.

>>> Батафсил.

Обаманинг акаси укасини Ассанжни кечиришга ундади

АҚШ президенти Барак Обаманинг ўгай акаси Малик Обама ўзининг Twitter саҳифасида давлат раҳбарини WikiLeaks асосчисини афв этишга чақирди.

>>> Батафсил.

Пентагон ИШИДнинг Ғарбга ҳужум қилиш режасидан огоҳлантирмоқда

ИШИД террорчилик ташкилоти Суриянинг Раққа шаҳридан ғарб мамлакатларига ҳужум қилишни режалаштирмоқда.

>>> Батафсил.

Германия аҳолисининг учдан бир қисми Россия билан урушдан қўрқмоқда

Германия фуқароларининг ҳар учинчиси Ғарбнинг Россия билан Қрим, Украина ва Сурия бўйича зиддияти урушга айланиб кетишидан хавфсирамоқда.

>>> Батафсил.

Математик модель АҚШ президентлик сайловларида Трампнинг ғалабасига ишора қилмоқда

Нью-Йорк штатининг Стоуни-Брукдаги Университет профессори Ҳелмат Норпос АҚШнинг янги президенти республикачи Дональд Трамп бўлишини маълум қилди, у мамлакат президентлик сайловларидаги барча натижаларни муваффақиятли башорат қилиб келади.

>>>  Батафсил.

Сўнгги 40 йил ичида сайёрадаги жониворлар сони 60 фоизга камайган

Сут эмизувчилар, қушлар, балиқлар,  амфибия ва судралиб юрувчиларнинг кўпайиши 1970 йилдан бери деярли 60 фоизга қисқарган. Бу ҳақда Бутунжаҳон ёввойи табиат жамғармасининг ҳисоботида келтирилган.

>>> Батафсил.

Мальта Россия кемаларига ёқилғи қуйиб бермоқчи эмас

Мальта Ташқи ишлар вазири Жорж Велла маълум қилдики, расмий Валлетта мамлакат ҳудудида россияликларнинг кемалари ёқилғи қуйиб олишига рухсат бермайди. Бу ҳақда Times of Malta хабар берган.

>>> Батафсил.

Таълим масканларидан газланган ичимлик ва тезпишар таомлар йўқолади

Ўзбекистондаги мактаб, лицей ва коллежлар ошхоналаридан кучли газланган ичимликлар ва тезпишар таомлар йўқолади.

>>> Батафсил.

Қозоғистон ЮНЕСКО рўйхати сабаб шаҳарча барпо этишни тўхтатади

Қозоғистон Олмаота вилоятидаги ўрта асрларга оид Талгар (Талхиз) шаҳарчасида йўл қурилиши ишларини тўхтатишга қарор қилинди. Бу ҳақда, мамлакат бош вазири ўринбосари Имангали Тасмагамбетов маълум қилган.

>>>  Батафсил.

МI-6 раҳбари “Жеймс Бонд ҳақиқий жосус бўла олмайди” деб ҳисоблайди

Бирлашган Қиролликнинг MI-6 ташқи разведка хизмати раҳбари Алекс Янгер Back History Month нашрига берган интервьюсида таниқли киноқаҳрамон Жеймс Бонд ҳаётда ҳақиқий жосус бўла олмаслигини маълум қилди.

>>> Батафсил.

Mercedes-Benz ҳашаматли пикап яратди

Mercedes-Benz компанияси ўз тарихидаги илк пикапни яратди. X-Class премиум модели ҳозирча концепт-кар мақомига эга, унинг серияли ишлаб чиқарилиши 2017 йилдан йўлга қўйилади.

>>> Батафсил.

R2D2га ўхшаш ақлли уй роботи яратилди

NX Robo компанияси интеллектуал функцияларни амалга оширувчи ажойиб BIG-i уй роботини тақдим этади.

>>>  Батафсил.

Ибраҳимович фаолиятини қачон якунламоқчилигини айтди

«Манчестер Юнайтед» жамоаси ҳужумчиси Златан Ибраҳимович агар жорий мавсумда манкунианликлар билан чемпионликка эриша олса, жорий мавсум профессионал фаолиятидаги сўнггиси бўлиб қолишини маълум қилди.

>>> Батафсил.

Роналду Месси билан қандай муносабатда экани ҳақида гапирди

«Реал» ҳужумчиси Криштиану Роналду Marca нашрига берган интервьюсида Месси, ўзига мураббийлик қилган мутахассислар ҳамда рақиб бўлган футболчилари ҳақида айтиб ўтди.

>>> Батафсил.