Путин Суриядаги хорижий жангарилар қанчалигини маълум қилди

Сурияда тахминан 20 минг атрофида хорижлик жангари жанг қилади, уларнинг салкам 10 минг нафари МДҲ мамлакатларидан. Россия президенти Владимир Путин шу ҳақда баёнот берди. 

"Турли ҳисоб-китобларга кўра, тахминан 20 минг хорижлик жангари Сурияда урушмоқда, уларнинг салкам 10 мингги МДҲ фуқаролари. Турли маълумотларга кўра, уларнинг ярмидан камроғи (20 мингдан) россияликлар. 5 мингга яқини Марказий Осиё мамлакатларидан. Улар, асосан, КХШТ (Коллектив хавфсизлик шартномаси ташкилоти) давлатлари ҳиссасига тўғри келади", — деган  Путин "Мир" телеканалига берган интервьюсида. Унинг қайд этишича, таҳдид ҳақиқатдан ҳам улкандир. 

"Биз таҳдид кўламини тушуниб турибмиз ва уни камайтириш учун барча чораларни кўришимиз керак. Шунинг устида ишлаяпмиз", — деб ишонтирган РФ раҳбари. 

Унинг таъкидлашича, террорчилар устидан ғалаба қозониш учун саъй-ҳаракатларни бирлаштириш зарур. 

"Акс ҳолда муваффақият қозониш даргумон", — деб қўшимча қилган Путин.