23 апрель куни Францияда бўлиб ўтадиган президентлик сайловларида олий лавозим учун ўн бир нафар номзод кураш олиб боради, бироқ уларнинг фақат олти нафари сайловчиларнинг овозлари учун курашиши мумкин. Номзодлар сиёсий ранг-барангликнинг қутбий қисмларини тамсил этади. Сайловолди дебатлари чоғида уларнинг миграция, Россия билан алоқалар, бюджет иқтисоди, ислом терроризми ва халқ орасида обрўси тушиб бўлган социалист-президент Франсуа Олланднинг сиёсий мероси борасидаги фикрлари бир-биридан кескин фарқланди.
Эммануэль Макрон, Олланднинг ношукур собиқ вазири
Франция президентлигига номзод, «En Marche» ҳаракати етакчиси Эммануэль Макрон Парижда ўз сайловолди дастури тақдимотида
Олланд маъмуриятининг собиқ иқтисодиёт вазири Макрон сайловларда сўл марказ номзоди сифатида илгари сурилмоқда (бир вақтнинг ўзида у ўзини ҳам сўлчиларга, ҳам ўнгларга тааллуқли ҳисоблайди). Президент билан муносабатларини узган сиёсатчи унинг сиёсатининг асосий йўналишларини сақлаб қолинишни қўллайди. Франция учун янгиланишлар, Макроннинг фикрича, кадрлар орқали рўй бериши керак: ўзининг бўлажак ҳукуматида у айни пайтдаги вазирлар маҳкамасидан бирор кишини кўрмоқчи эмас. Бироқ, Макрон ўз дастури орқали амалга оширмоқчи бўлган чоралар, Олланд ҳаётга татбиқ этаётганидан кам фарқланади. Худди ўзининг собиқ раҳбари сингари, собиқ вазир 35 соатлик иш ҳафтасининг сақланишини, таълим соҳасида бандликни ошириш, бюджет иқтисоди ва меҳнат ислоҳотлари сақланишини истайди. Мўътадил марказчи Макрон — Европа интеграцияси, шунингдек, Германия билан маъқулланган Россияга нисбатан қатъий сиёсат юритишнинг ашаддий тарафдори. Сайловолди сўровлари Макронга 20–25 фоиз овоз ваъда қилмоқда.
Марин Ле Пен, «нолли миграция» номзоди
Франциянинг «Миллий фронт» сиёсий партияси етакчиси, президентликка номзод Марин Ле Пен Лиллдаги митингда ўз тарафдорлари олдида чиқиш қилмоқда.
Ультра-ўнг «Миллий фронт» номзоди Марин Ле Пен ҳам сайловчиларнинг Макрон даражасидаги қўллаб-қувватланиш даражасига эга — 20–25 фоиз. Ле Пеннинг дастури — Макрон таклиф этаётган нарсаларнинг мутлақо тескариси. Миллатчи хонимнинг режасига кўра, Россия билан нафақат яқинлашиш ва Францияда радикал исломга қарши кескин чоралар кўрилиши керак, шунингдек, давлатни Европа иттифоқи таркибидан чиқариб олиш ҳам лозим. Шу йилнинг апрелида бўлиб ўтган сайловолди тадбирларидан бирида Ле Пен ўз ортида Европа байроғи бўлмаслигига эришган. «Миллий фронт» раҳбари иқтисодий дастурининг сўлларнинг таклифига ўхшаш: бюджет иқтисодига қарши бўлган Ле Пен меҳнат ислоҳотини танқид остига олади ва пенсия ёшини кичрайтиришга чақиради.
