Фото: aa.com.tr
Фаластиннинг ХАМАС ҳаракати сиёсий бюросига сайловлар натижаларига кўра ҳаракат етакчиси Холид Машъал ўрнига Исмоил Хания сайланди.
ХАМАС вакиллари маълумотларига кўра, овоз бериш Ғазо сектори ва Қатар пойтахти Доҳа ўртасида видеоанжуман тартибида ўтказилган. Ҳаракат етакчиси лавозимига, шунингдек, Мусо абу Марзук ва Муҳаммад Низал ҳам даъвогарлик қилдилар.
Хания 2013 йилдан бери ХАМАС етакчиси ўринбосари лавозимини эгаллаб келаётганди.
Тахмин қилинишича, Исроил томондан хавф сақланиб қолаётгани сабабли, ХАМАС етакчиси Ғазо секторидан ташқарида қолади.
