«Интер»га кетиши кутилаётган Пепе бошқа жамоа билан келишувга эришди

«Реал» ҳимоячиси Пепе фаолиятини Франция чемпионатида давом эттиради.

Marca хабарига кўра, яқин вақт ичида португалиялик футболчи «ПСЖ» билан икки йиллик шартнома имзолайди. Пепе бу жамоага эркин агент сифатида келмоқда.

Парижликлар ушбу футболчини «Интер» билан рақобатда устун келиб қўлга киритган, италияликлар жамоаси ҳали хитойлик инвесторлар билан тегишли масалаларни ҳал қилиб олмагани қўл келган.

Пепе «ПСЖ»ни Унаи Эмери асосий таркибдан жой ваъда қилгани учун танлаган.