Тиллерсон Қатар ва Форс кўрфази давлатларини келишишга чақирди

Фото:AP Photo / Jacquelyn Martin

АҚШ бош котиби Рекс Тиллерсон Форс кўрфази мамлакатларини Қатар атрофидаги вазият туфайли минтақада эскалацияга йўл қўймасликка, Қатарни эса - қўшнилар хавотирига бефарқ бўлмасликка чақирди.

"Биз Саудия Арабистони Қироллиги, БАА, Баҳрайн ва Мисрни Қатар қамалини бўшаштиришга чақирамиз", - деди Тиллерсон Қатар атрофидаги вазият юзасидан баёнот берар экан.

"Қамал шунингдек АҚШнинг минтақадаги ва ИШИДга қарши курашидаги ҳарбий хатти-ҳаракатларга ҳам ҳалақит беради", - қўшимча қилди у.

Тиллерсоннинг сўзларига кўра, қамал АҚШнинг минтақадаги бошқа мамлакатлардаги фаолиятига ҳам ҳалал беради.

"Бу қамалнинг гуманитар асоратлари ҳам бор. Биз озиқ-овқат етишмовчилигини кўрдик, оилалар мажбуран ажратилди, болалар мактабдан қолмоқда. Ишонамизки, бундай салбий асоратларни ҳеч ким истамайди, айниқса муқаддас Рамазон ойида уларга шошилинч чоралар кўриш керак", - деди бош котиб.

Тайёрлаган: Лола Раҳманбаева

#Форс кўрфази #Қатар #Рекс Тиллерсон #қамал

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.