Канадада ёш йигит одамларга пичоқ билан ҳужум қилди, қурбонлар бор

Канада шимолидаги Квебек вилоятида жойлашган Акуливик аҳоли пунктида пичоқ билан қуролланган 19 ёшли йигит одамларга ҳужум қилган. Бу ҳақда маҳаллий ҳуқуқ-тартибот идораларига иқтибос келтирган ҳолда CBS телеканали маълум қилди.

Дастлабки маълумотларга кўра, йигит бир нечта уйларга кириб, уларда яшовчи одамларга жароҳат етказган. У 4-уйга кирмоқчи бўлганда полиция томондан отиб ўлдирилган.  

Ҳужум оқибатида 4 киши ҳалок бўлган. Қурбонлар орасида 10 ёшли бола ҳам бор.

Йигитни қотилликни содир этишга ундаган сабаблар ҳозирча номаълумлигича қолмоқда. Полиция воқеа тафсилотларини аниқлаштирмоқда.