ЖЧ-2018 саралаши доирасида Европада 6-тур учрашувлари давом эттирилди. D гуруҳида ўтказилган барча уч учрашувда дуранг натижалар қайд этилди.
Сербия ўз майдонида Уэльсни қабул қилиб, мағлубиятга учрата олмади. Белграднинг «Райко Митич» стадионида кечган учрашув 1:1 ҳисобида якунланди.
Биринчи бўлим вақтида Уэльс ярим ҳимоячиси Аарон Рэмси 11 метрлик нуқтадан ҳисобни очганди, 73-дақиқада серблар ҳужумчиси Александр Митрович жавоб голини йўллади.
Ирландияга сафар қилган Австрия эса ўйин охирида ғалабани қўлдан чиқарди. Дублиндаги «Авива» стадиони мезбонлик қилган учрашувда ҳам 1:1 ҳисоби қайд этилди.
31-дақиқада меҳмонлар Мартин Хинтерреггернинг голи эвазига олдинга чиққанди, аммо ўйин якунига 5 дақиқа қолганида Жонатан Уолтерс дурангни таъминловчи гол муаллифига айланди.
Гуруҳнинг яна бир учорашувида Молдова Грузия билан ўйнади. Мезбонлар биринчи бўлимда икки гол уришди, иккинчи бўлимда эса икки гол ўтказишди - 2:2.
Кейинги тур 2 сентябрь куни ўтказилади, Сербия ўз майдлнида Молдовани қабул қилади, шу куни Уэльс Кардиффда Австрия билан ўйнайди, ирландлар Грузияга сафар қилади.
6 турдан кейин D гуруҳида қуйидагича вазият юзага келган: 1. Сербия – 12 очко; 2. Ирландия – 12; 3. Уэльс – 8; 4. Австрия – 8; 5. Грузия – 3; 6. Молдова – 2.
ЖЧ-2018 саралаши, Европа
6-тур
Сербия – Уэльс 1:1 (0:1, 1:0)
Голлар: 0:1 – 35, пенальти Рэмзи, 1:1 – 73 Митрович.
Сербия – Стойкович, Настасич, Иванович, Рукавина, Вукович, Костич (Прийович, 67), Матич, Тадич, Миливоевич (Гудель, 63), Коларов, Митрович.
Уэльс – Хеннесси, Дэвис, Уильямс, Честер, Ричардс, Аллен, Эдвардс (Ҳюз, 73), Рэмзи, Ледли, Гантер, Воукс (Лоуренс, 86).
Огоҳлантиришлар: Стойкович (33), Миливоевич (34), Аллен (56), Ричардс (71), Матич (90).
Молдова – Грузия 2:2 (2:0, 0:2)
Голлар: 1:0 – 15 Гынсарь, 2:0 – 36 Дедов, 2:1 – 65 Меребашвили, 2:2 – 70 Казаишвили.
Молдова – Намашко, Епуряну, Бордиян, Посмак, Карп (Кожокарь, 73), Чеботару, Цыгырлаш (Раку, 78), Кочук (Бугаев, 73), Дедов, Гынсарь, Антонюк.
Грузия – Макаридзе, Лобжанидзе (Квеквескири, 35), Табидзе, Кверквелия, Наваловский, Канкава, Даушвили (Казаишвили, 46), Кашия, Двалишвили (Меребашвили, 65), Качарава, Арабидзе.
Огоҳлантиришлар: Арабидзе (79), Бордиян (88), Канкава (89).
Ирландия – Австрия 1:1 (0:1, 1:0)
Голлар: 0:1 – 31 Хинтереггер, 1:1 – 85 Уолтерс.
Ирландия – Рэндолф, Уорд (Мерфи, 56), Кристи, Даффи, Лонг, Хендрик, Артер (Хулахан, 71), Брэйди, Уэлан (Макгиди, 77), Макклейн, Уолтерс.
Австрия – Линднер, Алаба, Хинтереггер, Предль, Лайнер, Кайнц (Грегорич, 90), Юнузович (Гриллич, 79), Лазаро, Баумгартлингер, Бургшталлер (Харник, 75), Драгович.
Огоҳлантиришлар: Брэйди (29), Кристи (32).
