Дунё инсонларга кундан кунга янги ва ғаройиб туҳфаларини тақдим этиб келмоқда: ўзимизнинг сайёрамизни яхши ўрганмай туриб, космосга парвоз қилмоқчимиз. Бу ерда эса ҳали тадқиқ қилинмаган океанларимиз бор. Масалан, ўтган ойда олимлар аввал фанга маълум бўлмаган акула турини аниқлашди, уни ғайритабиийлигидан акула-ниндзя деб номлашди. Don't Panic энг ноёб ва ғаройиб акулалар ҳақидаги мақоласини тақдим этди.
Мегалодон
Бу акула 2,6 миллион йил аввал мавжуд бўлган - шундай бўлса-да, уни энг ғаройиб акулалар сафига қўшмаслик мумкин эмас. Мегалодон узунасига 30 метрга етган: ушбу суратда (олимлар уни қолдиқлар асосида ишлашган) қўрқинчли махлуқ бирйўла икки китга ҳужум қилмоқда. Мегалодоннинг жағлари орасига бир неча киши бемалол сиғиши мумкин бўлган.
Фаришта-акула
Фаришта-акулани аниқлаш осон эмас, зеро у деярли бутун умри давомида денгиз тубида яшириниб яшайди. Акуланинг бу тури инсон учун хавфли эмас, бироқ шундай бўлса-да, акула қўққисдан ҳужум қилган дайверга ташланиши ҳеч гап эмас.
Катта оғиз-акула
Бутун сайёра бўйлаб бор-йўғи элликка яқин шундай ноёб акула сақланиб қолган. Сурат Филиппинда олинган: ўлжани балиқчиларнинг ўзлари океанологларга олиб келишган. Катта оғиз акула фақатгина планктон билан озиқланади ва соатига 2 километр тезликда ҳаракатланади - уларнинг кам қолгани бежиз эмас.
Қиррабурун акула
Акулага бундай ном берилиши унинг жабралари тузилиши билан боғлиқ. Яхшики, бу махлуқни фақат жуда чуқур жойлардагина учратиш мумкин, акс ҳолда у ҳар қандай ғаввос учун ҳам даҳшатли тушдек кўринарди. Тадқиқотчилар бу акуланинг оғзида 300дан ортиқ янгиланувчи тишларни аниқлашди: тасаввур қилиб кўринг-а, сузиш ҳавзаларининг саёз жойларида мана шундай икки метрли махлуқ сузиб юрса...
Гоблин-акула
Рўйхатдаги энг хунук акула. Узунлиги 3 метр, ўткир ва қармоқ илгаклари каби қайрилган тишлар - қизиқ, бу мавжудот нима учун яратилган экан?
Гилам-акула
Гилам-акула ўз номини Янги Зеландия аборигенларидан олган: Wobbegong - "серсоқол" маъносини англатади. Бу тинч, лекин ёқимсиз мавжудот океан тубида яшайди, майда балиқлар ва чўкиндилар билан озиқланади. Австралияликлар, ўз навбатида, гилам-акулани газли ичимликлар билан тановул қилишни хуш кўришади.
Найза тишли акула
Аслида бу бор-йўғи оддий кулранг акуланинг бир тури. Бир жиҳати диққатга сазовор: найза тишли акула ҳам тузли, ҳам чучук сувда ов қилади. Яхшики, ҳаводан нафас олишни билмайди...
Шохли акула
Акулани уй ҳайвонига айлантириш истагида бўлганлар учун ягона имконият - шохли акула. Шохли акула океаннинг туб-тубида ялтоқланиб, шошмасдан қисқичбақасимонларни еб ҳаёт кечиради. Акула кун давомида ухлайди, фақатгина тун ярмида "ов"га чиқади. Ҳеч қачон 12 километрдан узоққа сузмайди: ҳақиқий уй ҳайвони!
Улкан наҳанг-акула
12 метр узунлик улкан наҳанг-акулага бутун Жаҳон океанидаги энг хавфли йиртқич номини бериши мумкин эди, бироқ унинг шохлари йўқ. Улкан акула ўзининг баҳайбат танасини кит сингари, сувдан ажратилган планктонлардан иборат парҳез билан қўллаб-қувватлайди.
Ниндзя-акула
Бундай ғаройиб акула турининг мавжудлиги ҳақида фақат 2015 йилга келиб маълум бўлган. Ниндзя-акула ёрқин рангларда товлана олади, тўқ рангли териси сув остида кўринмайди ҳам. Бу хусусиятлар сув ости "жаллод"ига ўлжани мўлжалга олиб, йирик йиртқичлардан бекиниш имконини беради.
