Фото: Getty Images
Жанлуижи Доннарумма, Златан Ибраҳимович ва Поль Погба каби футболчилар манфаатини ҳимоя қилувчи таниқли агент Мино Райола аргентиналик ҳужумчи Паоло Дибала «Ювентус»дан кетиши ҳақида гапирди. Шунингдек, у «Милан» топ-менежменти фаолиятини кескин танқид қилди.
«Менда бош директор Марко Фассоне ва спорт директори Массимилиано Мирабеллига шахсий адоват йўқ. Менда фақатгина бир муаммо бор – уларнинг «Милан»даги лойиҳасига ишонмайман.
Ўйлашимча, Дибала «Ювентус»ни тарк этади. Унинг ёшида етакчи бўлиш осон иш эмас. Мен уни «Реал» ёки Манчестерда - «Сити» ёхуд «Юнайтед»да муваффақиятли тўп сураётганини кўрмоқчиман», - дея хабар берди Райола RAI Sport эфирида.
