Эминем Янги Зеландия Миллий партияси устидан ғалаба қилди

Фото: Reuters

Америкалик рэпер Эминем Янги Зеландиянинг ҳукмрон Миллий партиясига қарши судда ғолиб чиқди. Гап шундаки, Миллий партия ўз сиёсий рекламасида Эминемнинг «Lose Yourself» трекидан фойдаланган. Энди партия рэперга 600 минг Янги Зеландия доллари (412 минг АҚШ доллари) тўлаши керак бўлади.

Суд 2014 йилда парламент сайловлари вақтида жаранглаган мусиқа Эминемнинг трекидан бирозгина фарқ қилишини тасдиқлаган. Бунинг учун зарбли асбоблар, аккордлар ва скрипка партиялари таққосланди.

Миллий партия адвокатлари роликда фойдаланилган мусиқа каталогда Eminem-esque деб аталганини маълум қилишган.

Эминем ва Миллий партия ўртасидаги баҳслар 2017 йилнинг майида бошланган.