Нурмагомедов: Макгрегорни «бузиб ташламоқчиман» 

Аралаш яккакурашлар бўйича россиялик жангчи Хабиб Нурмагомедов ирландиялик спортчи Конор Макгрегорга бўлган муносабати ҳақида айтиб берди.

«У кимнидир мағлуб этиши ҳақида гапириб, сўнг чиқиб, мағлуб этса – бу унга қандайдир машҳурлик келтиради.

UFC’да пиар-машина жуда кучли, у ўзини тўғри тақдим этишни ва керакли баёнотлар беришни яхши билади», - дея Нурмагомедовнинг сўзларини келтиради «Спорт-Экспресс».

Бироқ, россиялик ирландияликнинг бошқа спортчилар ҳақидаги ҳақоратомуз сўзлари ўзига ёқмаслиги ҳақида ҳам айтиб ўтди.

«Мен унда кўраётган барча нарсани бузиб ташламоқчиман», - дея қўшимча қилиб ўтган россиялик жангчи.

Эслатиб ўтамиз, аввалроқ Нурмагомедов – Тони Фергюсон жанги санаси расман маълум қилинганди.