Андижонда фуқаро “икки босқичли” фирибгарлик схемаси қурбонига айланди: фирибгарлар алоқа компанияси вакили, банк ходими ва Марказий банк “подполковниги” ролида “ҳужум ва қайта ҳужум” усулидан фойдаланган ва уни 80 млн сўмга чув туширган.
Иш тафсилотини фирибгарлар ва жабрланувчи ўртасидаги суҳбат қандай кечган бўлса, шундайлигича тақдим қиламиз.
“VIP мижозимизсиз”
Эрталаб чоғи Нозим Эгамовга (жабрланувчи исми ўзгартирилган) нотаниш рақамдан қўнғироқ бўлган. Ким экана, дея ўзига ўзи савол берган Нозим ака яшил тугмани босган. Қўнғироқ қилган шахс рус тилида суҳбатни бошлади:
— Ассалому алайкум. Бу Нозим Эгамовми?
— Ҳа.
— Сизни Beeline алоқа компаниясидан безовта қиляпмиз. Сиз бизнинг VIP мижозимиз экансиз. Бундан буён ҳам компаниямиз хизматидан фойдаланасизми?
— Ҳа.
— У ҳолда шартнома муддатини узайтиришимиз керак бўлади. Қаерда ишлайсиз?.
— Қаерда ишлашимнинг сизларга нима қизиғи бор?
— Биз қаерда ишлашингизни билишимиз керак.
— Ҳеч қаерда ишламайман!
Нозим ака жаҳли чиққан ҳолда ички бир шубҳа билан иш жойини айтмасликка қарор қилган.
— Рақамингиз ўчирилмаслиги учун шартномани узайтиришимиз керак. Ҳозир сизга 5 та рақамдан иборат код боради. Ўша кодни айтасиз.
Нозим ака шу нуқтада бу киберфирибгарлар эканини тушунган ва телефоннинг қизил тугмасини босиб суҳбатни тўхтатган.
Ўйин ичидаги ўйин
Аслида, бу суҳбат фирибгарларнинг “ўлжа”ни асосий қопқонга олиб борувчи ҳаракати, яъни умумий “стратегия”нинг бир қисми эди. Улар “ўлжа” суҳбатнинг айни шу нуқтасида бу киберфирибгарлик эканини сезишини билишган. Уларга шу керак бўлган.
Тушдан сўнг иккинчи босқич – “ўлжа”ни асосий қопқонга тушириш ҳаракати бошланган. Нозим акага яна бир нотаниш рақамдан қўнғироқ бўлган. Суҳбат шундай кечган:
— Ассалому алайкум. Мен “Ҳамкорбанк” киберхавфсизлик бўлими мутахассиси Малоҳат Юнусова бўламан. Сиз Нозим Эгамовмисиз?
