Интернетда Samsung Galaxy S9 ва S9+ смартфонларининг олд қисми суратлари пайдо бўлди. Суратлар Venture Beat портали томондан эълон қилинган.
Порталнинг таъкидлашича, янги смартфонларнинг дизайни аввалги моделникидан кам фарқ қилади. Маълум қилинишича, Galaxy S9 5,8 дюймли экран, 4 гигабайт хотира ва 64 гигабайт доимий хотира билан, S9+ эса 6,2 дюймли экран, 6 гигабайт хотира ва 128 гигабайт доимий хотира билан жиҳозланади. 12 мегапикселли асосий олд камера ўзгартирилувчи апертура (f/2,4 — f/1,5) ва тезкор суратга олиш (сониясига 480 та кадр) имкониятини олади.
Бундан ташқари, Galaxy S9 ва S9+’да юзни таниш тизими яхшиланган, бармоқлар изи сканери аввалги моделдагидек камера ёнида эмас, унинг остида жойлашади.
Смартфонларнинг расмий тақдимоти 25 февралга белгиланган, сотувга эса 16 мартдан чиқади.
