Президентнинг давлат маслаҳатчиси сифатида ишлаб келган Отабек Муродов Ўзбекистон бош прокурори этиб тайинланди.
Ўзбекистон Бош прокуратураси расмий сайтида 3-даражали Давлат адлия маслаҳатчиси Отабек Баҳритдинович Муродов Ўзбекистон Республикаси Бош прокурори сифатида келтирилган.
Отабек Муродов бундан аввалроқ Ўзбекистон Миллий хавфсизлик хизмати раислигига ўтган Ихтиёр Абдуллаев ўрнини эгаллади.
Муродов 2017 йилнинг 1 мартида Ўзбекистон Президентининг 4976-сонли фармони билан Ўзбекистон Республикаси президентининг сиёсий-ҳуқуқий масалалар бўйича Давлат маслаҳатчиси этиб тайинланган эди.
