Samsung вориси турмада ўтирганда 2,1 млрд долларга бойиди

Samsung Electronics компаниясининг вице-президенти ва раҳбари, 49 ёшли миллиардер Ли Чжэ Ен унга чиқарилган 5 йиллик қамоқ жазосидан бир йилини қамоқда ўтказиб, озодликка чиқарилди. 

Сеул марказий округ суди томондан Ли Чжэ Енга нисбатан 2017 йил августда ҳукм чиқарилгандан ўтган ярим йил ичида миллиардернинг бойлиги 6,9 млрд доллардан 8,1 млрд долларга кўпайган. Ли Чжэ Ен қамоқда ўтказган 353 кун ичида эса унинг бойлиги умумий миқдорда 2,1 млрд долларга кўпайган. 

Компаниянинг раҳбарини озод қилиш ҳақидаги қарор Сеул олий суди томондан қабул қилинди. Суд Ли Чжэ Ен адвокатлари томондан берилган апелляция аризасини қондирган.