26 февраль куни Тошкентдаги City Palace меҳмонхонасида WSB йўналишида мусобақалашаётган «Uzbek Tigers» ва «Cuba Domadores» жамоалари учрашуви олдидан матбуот анжумани ва вазн ўлчаш маросими бўлиб ўтди.
Тадбирда иккала жамоа вакиллари, бош мураббийлар жамоа раҳбарлари, Миллий олимпия қўмитаси ва бокс федерацияси вакиллари ҳамда оммавий ахборот воситалари ходимлари иштирок этди.
Дастлаб жамоанинг расмий вакиллари сўзга чиқиб бўлажак баҳс олдидан фикрлари билан ўртоқлашган бўлса, шундан сўнг спортчилар оммавий ахборот воситалари томонидан берилган саволларга жавоб қайтарди.
Расмий маросимнинг сўнггида эса боксчилар расмий вазн ўлчаш маросимида қатнашишди. Қуйида ушбу маросимдан олинган фотогалерея билан танишиб олишингиз мумкин.
