28 февралдан 2 мартгача Royal, Akfa ва Shivaki халқаро Aqua Therm Tashkent 2018 кўргазмасида қатнашишмоқда. Юртимизда 7-марта уюштирилган Aqua Therm Tashkent Ўзбекистонда бўлиб ўтадиган энг йирик кўргазмалардан бири ҳисобланади. Ушбу кўргазмада қатнашувчи миллий ҳамда чет эл корхоналарининг сони йилдан-йилга ошиб бормоқда. Охирги беш йил давомида Aqua Therm Tashkent да қатнашувчи корхоналарнинг сони деярли тўрт мартага ошди. Кўргазмада Австрия, Германия, Дания, Италия, Россия, Туркия, Франция, Швейцария, Жанубий Корея ва бошқа давлатлардан ташриф буюрган корхоналар қатнашмоқда.
Aqua Therm Tashkent кўргазмасида энг замонавий асбоб-ускуналарни кўздан кечириш ҳамда уларни ишлаб чиқарувчи корхоналарнинг вакиллари билан маслаҳатлашиш учун кенг имкониятлар яратилган.
Айтиб ўтиш боиски, охирги йилларда Aqua Therm Tashkent да қатнашувчи миллий корхоналарнинг сони кескин ошиб бормоқда. Ҳозирда кўргазма қатнашчиларининг 25 фоиздан ортиғини миллий корхоналар ташкил этади.
Ўзбекистон Республикасида турли хил соҳаларда ишлаб чиқариш жараёнларини янгилаш, самарадорлигини ошириш ҳамда янги технологияларни татбиқ этиш бўйича кенг ишлар олиб борилмоқда. Республикамиз миллий корхоналарни қўллаб-қувватлагани туфайли, сифатли, замонавий, ҳар қандай рақобатга дош бера оладиган ва дунё стандартларига бутунлай мос маҳсулотлар ишлаб чиқариш учун ҳамма имкониятлар мавжуд. Маҳсулоти дунё талабларига ва стандартларига бутунлай жавоб бера оладиган корхоналар ҳисобига Royal, Akfa ва Shivaki корхоналарини ҳам бемалол қўшиш мумкин. Aqua Therm Tashkent кўргазмасида Royal қуёш сув иситгичлари, Akfa радиаторлари ҳамда Shivaki саноат кондиционерлари тақдим этилган.
Royal қуёш сув иситгичлари кўргазма мухлисларида катта қизиқиш туғдириши кутилмоқда. Ушбу қуёш сув иситгичлари муқобил энергияда ишлайди, ва табиий энергия манбаларини тежамкорлик билан ишлатишга улкан ҳисса қўшади. Royal қуёш сув иситгичлари Германия ускуналари ёрдамида энг янги технологиялар асосида ишлаб чиқарилган.
