Украина ва Россия ҳукуматлари фронтдаги Олешки шаҳридан одамларни эвакуация қилишни якунлади. Херсон областининг РФ қуролли кучлари томонидан ишғол этилган ушбу аҳоли яшаш манзилида сўнгги ойларда гуманитар вазият оғирлашганди. Юзлаб кишилар электр, озиқ-овқат ва дори-дармон таъминотидан узилган ушбу шаҳардан чиқиб кета олмаётганди. АҚШнинг биринчи хоними Мелания Трамп воситачилигида урушаётган томонлар тинч аҳоли эвакуацияси учун 27 октябрдан 1 ноябргача бўлган муддатда Олешки атрофида ўт очишни тўхтатиш режимини жорий этишга келишишди. Шу кунларда шаҳарга икки мамлакатдан гуманитар миссия ташриф буюрди, Украина делегациясига омбудсман Дмитро Лубинец, Россияникига – РФдаги инсон ҳуқуқлари бўйича вакил Яна Лантратова бошчилик қилди. Оташкесим доирасида 31 октябр куни 750 киши шаҳардан олиб чиқилди. Уларнинг бир қисми ихтиёрий равишда Украинанинг Киев назоратида қолаётган қисмига йўл олди, яна бир қисми Россия томонидан аннексия қилинган Қримга олиб келинди. «Медуза» 2022 йил февралидан буён мисли кўрилмаган эвакуация жараёни қандай ўтганини акс эттирувчи суратларни тақдим этди.
Олешки аҳоли эвакуацияга қандай тайёрланди
Олешки аҳолиси вакиллари шаҳарни қандай тарк этди
