Мессида «ҳет-трик». Унинг «Малага»га қарши ўйнамаслиги сабаби аниқ бўлди

Фото: Getty Images

«Барселона» ҳужумчиси Лионель Мессининг «Малага»га қарши учрашувни нима сабабдан ўтказиб юбориши аниқ бўлди.

Onda Cero нашри журналисти Альфредо Мартинеснинг хабар беришича, ўтган тунда Мессининг рафиқаси Антонелланинг кўзи ёриган. Месси учинчи марта ота бўлган ва учинчи фарзанди ҳам ўғил бўлган.

Эслатиб ўтамиз, олдинроқ оила учинчи ўғилга Чиро деб исм беришга қарор қилишганди. Мессининг шу кунгача иккита ўғли бор эди – Тиаго ва Матео.