The Hans India нашрининг 2 октябрдаги хабарига кўра, тадбир пайшанба куни, 1 октябрда Ҳайдарободнинг Гачибоули ҳудудида ўтказилган.
Полиция келиб тушган маълумот асосида Одам савдосига қарши курашиш бўлинмаси ходимлари билан ҳамкорликда меҳмонхонада рейд ўтказган. Натижада Ўзбекистондан келган олти нафар аёл қутқарилган.
Ҳуқуқ-тартибот идоралари Раммохан Редди ва Никхил исмли икки шахсни ушлаган. Улар меҳмонхонадан хоналар олиб, мижозларни жалб қилиш орқали ноқонуний фаолиятни ташкил этганликда гумон қилинмоқда.
Нашр полиция маълумотларига таяниб ёзишича, аёллар шаҳарга оз миқдордаги тўлов эвазига олиб келинган. Ташкилотчилар эса Ҳиндистоннинг турли штатларидан мижозларни жалб қилгани айтилмоқда.
Текширув давомида қутқарилган аёлларнинг паспорт ва визалари ҳақиқий экани аниқланган. Улар Ҳиндистонга сайёҳлик визалари билан кирган.
Аёлларнинг кўрсатмалари асосида одам савдосига оид тегишли нормалар бўйича ишлар рўйхатга олинган. Ҳодисанинг бошқа тафсилотларини аниқлаш учун тергов ҳаракатлари давом этмоқда.
