JV MAN Auto-Uzbekistan техникаси Душанбеда катта қизиқишни келтириб чиқарди

Фото: Made in Uzbekistan

9 март куни Душанбе шаҳридаги «Манеж» спорт мажмуасида Made in Uzbekistan Ўзбекистон саноат маҳсулотлари кўргазма-савдоси очилди.

Фаолияти экспортга йўналтирилган 60дан ортиқ компания ўз маҳсулотларини тақдим этди. Улар орасида JV MAN Auto-Uzbekistan компанияси ҳам бор эди.

Очиқ кўргазма майдончасида компаниянинг тўрт модели тақдим этилди. JV MAN Auto-Uzbekistan МЧЖ ҚК техникасига ташриф буюрувчилар томонидан катта қизиқиш кузатилди. Кўргазма доирасида маҳаллий компаниялар вакиллари ва тадбиркорлар билан музокаралар ҳамда учрашувлар ўтказилди.