«Реал» Неймарга таклиф юборди

«Реал» «ПСЖ» ҳужумчиси Неймарни сотиб олиш учун ҳаракатларни бошлади.

UOL Esporte тарқатган хабарга кўра, Мадрид клуби 26 ёшли футболчига таклиф баён этилган мактуб йўллаган.

Хабарда айтилишича, Бразилияга агент Пини Захави учиб борган, у Неймар билан учрашиб, таклифнинг деталларини тушунтирган. Унинг айтишича, «Реал» президенти Флорентино Перес ушбу трансферга жиддий киришган.

Ўз навбатида Неймар ҳам Мадрид клубига шартларини билдирган.

Маълумот учун, Захави Неймарнинг оиласи билан анчадан буён яқиндан таниш ҳисобланади, у Неймарнинг отаси билан яқин алоқаларда.

Бундан аввалроқ футболчи «ПСЖ»дан ҳафтасига 1,1 млн евро миқдоридаги маош олсагина, Парижда қолишини билдиргани ҳақида хабарлар тарқалганди.

Эслатиб ўтамиз, Неймар 2017 йилнинг августида 222 миллион евро эвазига «Барселона»дан «ПСЖ»га келиб қўшилганди. У жорий мавсумда янги жамоаси сафида 30 учрашувда майдонга тушди ва 29 гол уриб, 19 голга узатма берди.