«Uzbek Tigers» Колумбиядаги жанг олдидан ўтказилган маросимларда қатнашди

Бутунжаҳон бокс сериялари (WSB) VIII мавсум гуруҳ босқичида «Uzbek Tigers» жамоаси навбатдаги, 4-турни Жанубий Америкада, Колумбиянинг «Colombia Heroicos» жамоасига қарши ўтказади.

Ўзбекистонлик боксчилар Соледадда 23 март куни (Тошкент вақти билан 24 март тонгида) рингга кўтарилади. Жангдан олдин икки жамоа вакиллари иштирокида матбуот анжумани ва вазн ўлчаш маросими бўлиб ўтди.

Колумбияда қуйидаги жуфтликлар баҳслашади:

49 кг: Мироншоҳ Ибрагимов - Ривас Мартинез
56 кг: Шаҳобиддин Зоиров - Жон Мартинез
64 кг: Иқболжон Холдоров - Жон Гутьеррез
75 кг: Исроил Мадримов - Жорж Вивас
-91 кг: Санжар Турсунов - Ҳулио Дэйвис

«Uzbek Tigers» 3та жанг ўтказиб, сафарда «Cuba Domadores» (5:0) имкониятни бой берган бўлса, ўз майдонида реванш олди (4:1) ва «Colombia Heroicos» жамоасини ҳам худди шу ҳисобда мағлубиятга учратди.