Мирзиёев: аҳоли томорқасини ривожлантириш учун микрокредитлар ажратиш талаб даражасида эмас!

Ўзбекистон Республикаси президенти Шавкат Мирзиёев раислигида 23 март куни қишлоқ хўжалигини жадал ривожлантириш бўйича олиб борилаётган ишлар натижадорлигига бағишланган видеоселектор йиғилиши ўтказилди. 

KUN.UZ мухбирининг хабар беришича, давлат раҳбари йиғилишда аҳоли томорқаларидан самарали фойдаланиш борасида қилинаётган ишларни чуқур таҳлил қилиниб, томорқани ривожлантириш учун микрокредитлар берилишидаги камчиликлар танқид остига олинди.
  
“Аҳолини томорқада меҳнат билан бандлигини таъминлаш мақсадида уларга микрокредитлар ажратиш ҳам талаб даражасида эмас. Масалан, Навоий вилоятидаги тижорат банклари томонидан аҳолига 11 миллиард сўм миқдорида микрокредитлар  ажратиш белгиланган бўлсада, ҳозиргача атиги 944 миллион сўм ёки 8,5 фоиз ўзлаштирилган холос. Бошқа вилоятларда аҳвол бундан ҳам ёмон”, деган президент.