Душанбеда заҳарли моддаларга тўла яроқсиз контейнерлар топилди

Фото: CA-News

Душанбеда кучли таъсирга эга бўлган заҳарли моддалар жойлаштирилган еттита контейнер топилди, деб хабар қилмоқда тожик ОАВ.

Хабарга кўра, контейнерлар фаолияти тугатилган заводга тегишли бўлган, уларда суюқ хлор ва хладон сақланган. Улар авария ҳолатида эди, Тожикистон ФВҚ ходимлари контейнерларни “Тожиккимёсаноат” АЖ тайёрловчи заводига олиб боришади.

Республика ФВҚдан аниқлик киритишларича, топилган кучли таъсирга эга заҳарли моддалар атроф-муҳит учун хавф туғдирмайди.

Тайёрлаган: Отабек Матназаров

#Душанбе #заҳарли модда #контейнер