Эквадор президенти Ленин Морено 13 апрелда Америкалар саммити очиладиган Перуни аввалроқ ўғирлаб кетилган журналистлар жасадлари аниқлангани ҳақидаги хабардан кейин фавқулодда тарк этиб, юртига қайтмоқда.
“Мен ҳозирда биз бошдан кечираётган бу фавқулодда вазият сабабли Эквадорни дарҳол тарк этишга қарор қилдим”, деб ёзган Морено твиттерда.
Гап март охирида Эквадорнинг Колумбия билан чегарасидаги Матаха туманида йўқолган Comercio нашрининг 2 журналисти ва уларнинг ҳайдовчиси ҳақида кетмоқда. Кейинроқ Колумбия инқилобий қуролли кучларининг Эквадор ҳудудида ҳаракат қилувчи Оливер Синистерра номидаги фронти армиянинг бу ҳудуддаги амалиёти вақтида журналистлар ҳалок бўлганлари ҳақидаги баёнотни тарқатган.
12 апрелда эса ўғирлаб кетилганларнинг жасади топилгани ҳақида тасдиқланмаган хабар пайдо бўлган. RCN радиосининг маълум қилишича, унинг ихтиёрида ҳалок бўлганларнинг сурати бор.
