Хитойда ҳайдовчисиз автомобилларни бошқаришга рухсат берилди

Хитой ҳукумати 2018 йил май ойидан вилоятлар маъмуриятларига вилоят йўлларида ҳайдовчисиз автомобилларни синовдан ўтказиш имконияти ҳақида мустақил қарор чиқаришга рухсат беради. Бу ҳақда Quartz хабар бермоқда. Бунгача бундай синовларни фақатгина Пекин ва яна бир нечта шаҳарларда амалга оширишга рухсат берилган.

Компания синовларга рухсат олиш учун синовларни дастлаб ёпиқ йўлларда ўтказиши керак. Бундан ташқари, машина рулида камида 3 йиллик ҳайдовчилик тажрибасига эга одам ўтириши керак. Шунингдек, ҳайдовчисиз автомобил ичидаги кузатув камералари ёзиб олган тасвирлар 3 йил сақланиши лозим.

Яқинда АҚШнинг Калифорния штати раҳбарияти ҳайдовчисиз автомобилларга уларнинг ҳаракатланишини кузатадиган одамсиз йўлларда ҳаракатланишга рухсат берди. Бундай тажрибалар Невада, Мичиган ва Аризона штатларида ҳам ўтказилмоқда. АҚШда ҳаммаси бўлиб 50 дан кўпроқ компания ҳайдовчисиз автомобилларни синовдан ўтказиш билан шуғулланади, улар орасида Google, Telsa, Toyota каби йирик компаниялар бор.

Яқинда Uber ўлим билан якунланган авария сабабли бу соҳадаги йўналишини ёпишга қарор қилди. Аризонада Uber’нинг ҳайдовчисиз автомобили йўлни белгиланмаган жойидан кесиб ўтаётган велосипедчини уриб юборган. Полиция айб аёлда эканлигини тан олганига қарамай, компания бундай автомобилларни вақтинчалик синовдан ўтказмасликка қарор қилди.