Қиз қўлидан ойлаб ечмаган резинка унинг терисига чатишиб кетди

Хитойлик 4 ёшли қизчанинг қўли терисига чатишиб кетган резинка олиб ташланди. Бу ҳақда Daily Mail нашри хабар берди. 

Қизчанинг бува-бувиси январда унинг шишиб кетган билагига эътибор қаратишган. Қизча қўли оғриб, қотиб колганидан шикоят қилса-да, бува-буви ҳеч қандай чора кўрмай, набираларининг бошқа вилоятда яшовчи ота-онасининг қайтишини кутишган. Қизчанинг ота-онаси келгач, дарҳол уни шифокорларга олиб борган.

Ота-она шифохоналардан бирида қизнинг терисига резинка чатишиб кетгани фаҳмланмагунча бир нечта шифохоналарни айланиб чиққан. Мутахассисларнинг фикрича, қиз резинкани камида 6 ой олдин тақиб олган ва ўшандан бери уни ечмай юрган. 

Ультратовуш эхография шифокорларнинг тахминини тасдиқлаган. Чатишиб кетган резинкани олиш учун жарроҳлар қизнинг қўлини кесишларига тўғри келган. Жарроҳлик амалиёти 30 дақиқача давом этган.