Фото: РИА Новости
2014 йилда Malaysia Airlines авиакомпанияси MH370 рейсидаги Boeing 777-200 самолётининг изсиз ғойиб бўлиши атайин қилинган бўлиши мумкин. Бу ҳақда 9News хабар бермоқда.
Учувчи ва йўриқчи Саймон Хардининг тахминича, экипаж қўмондони Захариё Аҳмад Шох самолётнинг изсиз ғойиб бўлишини режалаштирган бўлиши мумкин. Хардининг сўзларига кўра, учувчи атайин алоқага чиқмаган, шунингдек, диспетчерларни чалғитиш учун Малайзия ва Таиланд чегарасида парвоз қилган.
Таъкидланишича, ҳалокатдан аввал учувчи самолётни ўз она шаҳри узра олиб ўтган. Экспертлар самолёт денгизга учувчи томонидан йўналтирилгани, ёки Шох уни ёқилғи тугагунга қадар бошқаргани бўйича бир фикрга кела олишмади.
