Бахтиёр Ашурматов - ОКМК бош мураббийи

Олмалиқнинг ОКМК клубида ташкилий масала бўйича йиғилиш бўлиб ўтди.

Унда клуб бош директори Иброҳим Юлдашев сўзга чиқиб, мавсум якунига қадар жамоани Бахтиёр Ашурматов бошқаришини эълон қилди, деб хабар бермоқда ОКМК матбуот хизмати. 

Эслатиб ўтамиз, мутахассис шу пайтгача «Бухоро» клуби мураббийлар штабида фаолият олиб бораётганди. Ашурматовга ОКМК ёшлар жамоасида фаолият олиб борган Аъзам Шерғозиев ёрдамлашадиган бўлди.

Эслатиб ўтамиз, аввалроқ, Виктор Кумиков ОКМК клубидан истеъфога чиққан эди.