Путин жаҳон чемпионати фаворитларини маълум қилди

Россия президенти Владимир Путин футбол бўйича 2018 йилги жаҳон чемпионати фаворитларини маълум қилди, деб хабар бермоқда ТАСС.

«У ерда жаҳон чемпионатида ғолиб чиқиш учун кўплаб даъвогарлар бор - бу Лотин Америкаси жамоалари ҳам - Аргентина ва Бразилия. Яхши биламизки, Германия терма жамоаси аввалги жаҳон чемпионатларида ажойиб ўйнаган. Испанияликлар жуда яхши ўйин сифати, жуда чиройли футболни кўрсатган.

Бошқа даъвогарлар ҳам бўлиши мумкин, бироқ энг кучли терма жамоа ғалаба қозониши аниқ», - дея айтиб ўтди Путин Хитой Медиакорпорацияси сайтида эълон қилинган интервьюда.

2018 йилги футбол бўйича жаҳон чемпионати Россиянинг 11 шаҳрида 14 июндан 15 июлга қадар бўлиб ўтади.

Эслатиб ўтамиз, аввалроқ Путин шоҳ эмаслигини маълум қилганди.