Хитойдаги кўлда сирли мавжудот сузиб юргани тасвирга олинди (видео)

Хитойдаги Канас кўли бўйида жойлашган ёввойи табиат боғининг ходими Ван Синьань кўлда анчагина катта ўлчамга эга сирли мавжудот сузиб юрганини видеода қайд қилган. Бу ҳақда Daily Mail нашри хабар бермоқда. 

Синьаннинг таъкидлашича, у бир қисми сув устида кўринган маҳлуқни кузатган.

“Мен бу тўлқинлар бўлган деб ўйламайман, чунки улар оқимга қарши ҳаракатланган”, деб айтган у мухбирларга.

Боғ директори Сунь Цзиданнинг тахмин қилишича, видеога кўлда яшовчи йирик денгиз жонзотларидан бири муҳрланган.

Маълум қилинишича, май ойида бир неча сайёҳлар кўлда сув остида секин ҳаракатланаётган мавжудотни кўришганини таъкидлашган