Туркияда сайёҳлик автобуси ЙТҲга учради, 45 киши жароҳат олган

Туркиянинг Ойдин вилоятида йўловчи автобуси иштирокида юз берган йўл-транспорт ҳодисаси оқибатида 45 киши жароҳат олди. Бу ҳақда Anadolu полиция ва соғлиқни сақлаш идорасидаги манбаларга асосан хабар бермоқда.

Автобус чорраҳада тўнтарилиб кетгач, йўловчилар ва ҳайдовчи ундан чиқа олмай қолган.

Автобус сайёҳлар орасида машҳур бўлган Бодрумдан Истанбулга қараб йўл олаётган эди.

Жароҳат олганлар яқин орада жойлашган касалхоналарга олиб кетилди. Шифокорлар маълумотига кўра, икки киши жиддий жароҳат олган ва ҳозирги вақтда оғир аҳволда қолмоқда.