Disney Fox акциядорларига активлари учун таклиф қилаётган қиймат бир акция учун 38 долларгача оширилган. Бу эса дастлабки таклифдан 10 доллар ва Comcast медиакомпанияси таклифидан 3 долларга қиммат ҳисобланади.
Бундан ташқари, Fox акциядорлари кўрсатилган қийматни пул ёки Disney акциялари кўринишида олишни танлаш имконига эга бўладилар.
Медиакомпанияларнинг бирлашиши тарихида энг йирикларидан бўладиган ва Голливуднинг иккита етакчи компаниясини бирлаштирадиган ушбу битим медиатармоқни тубдан ўзгартириши ва Disney’га интернет-сервислар, жумладан Netflix’га рақобат ташкил қилишда ёрдам беради.
Disney Fox активларини харид қилиб, “Х-одамлар” (X-Men), “Аватар” (Avatar) ва “Симпсонлар” (The Simpsons) каби франшизаларга ҳуқуқни қўлга киритади. Шунингдек, компания активлари портфелидан FX Networks ва National Geographic телеканаллари жой олади.
Битим эвазига Disney’нинг АҚШдан ташқаридаги иштироки Sky британ каналининг 39 фоиз улушини олиш ҳисобига анча ошади. Sky Буюк Британия, Ирландия, Германия, Австрия ва Италияда 23 млн обуначига эга.
