ЖЧ-2018. Германия 1 киши кам ўйнаб, 95-дақиқада ғалаба голини киритди

Германия терма жамоаси жаҳон чемпионати F гуруҳининг 2-турида Швеция билан кураш олиб борди. "Фишт" стадионида кечган ўйин 2:1 ҳисобида немислар фойдасига ҳал бўлди. 

32-дақиқада Тойвонен Швецияни ҳисобда олдинга олиб чиқди. Иккинчи бўлимнинг 3-дақиқасида Марко Ройс ҳисобни тенглаштирди. Учрашувнинг асосий вақтига қўшиб берилган  5-дақиқада Тони Кроос жарима тўпидан унумли фойдаланиб, жамоасига 3 очко келтирди. 

2-турдан сўнг 6 очко тўплаган Мексика терма жамоаси F гуруҳида пешқадамлик қилиб турибди. Германия 3 очко билан 2-ўринни эгаллаб турган бўлса, қўшимча кўрсаткичлар борасида ёмонроқ натижага эга Швеция терма жамоаси 3-ўринни банд қилиб турибди. Жанубий Корея терма жамоаси эса очко йиғмаган ҳолда, сўнгги поғонада бормоқда. 

ЖЧ-2018, F гуруҳи
Германия – Швеция 2:1 
Голлар: 0:1 – 32 Тойвонен, 1:1 – 48 Ройс, 2:1 – 90 Кроос.
Германия – Нойер, Боатенг, Рюдигер, Киммих, Хектор (Брандт, 87), Руди (Гюндоган, 31), Кроос, Дракслер (Гомес, 46), Ройс, Мюллер, Вернер.
Швеция – Ольсен, Линделеф, Аугустинссон, Люстиг, Гранквист, Классон (Дурмаз, 74), Ларссон, Экдаль, Форсберг, Тойвонен (Гвидетти, 78), Берг (Телин, 90).
Огоҳлантиришлар: Экдаль (52), Боатенг (71), Ларссон (90).
Четлатиш: Боатенг (82).