Собиқ халқ таълими вазири Улуғбек Иноятов Наманган давлат университетига янги ректор этиб тайинланди. Бу ҳақда «Kun.uz»нинг университетдаги манбалари хабар берган.
Иноятов янги лавозимда Абдусалом Вахитович Умаровнинг ўрнини эгаллади. Собиқ ректор Халқ таълими вазирлигига ишга ўтгани айтилмоқда.
Эслатиб ўтамиз, 2013 йил февралидан 2018 йил 20 июнига қадар Халқ таълими вазири бўлган Улуғбек Иноятов Самарқанддаги тадбирда иштирок этаётган вақтида ишдан бўшатилди ва унинг ўрнига Инновацион ривожланиш вазири ўринбосари Шерзод Шерматов янги вазир этиб тайинланди.
Маълумот учун, вазир бўлишдан аввал 2011-2013 йилларда Тошкент давлат педагогика университетига ректорлик қилган.
