Фото: Xinhua/Umar Qayyum
Покистоннинг Пешавор шаҳрида террорчи-худкушнинг ҳужуми оқибатида 12 киши ҳалок бўлди, 35 киши жароҳат олди. Бу ҳақда Pakistan Today нашри маълум қилди.
Маълумотларга кўра, террорчи ҳужумни Авами миллий партияси йиғилиши вақтида содир этган. Қурбонлар орасида партия етакчиси Харун Билур ва унинг ўғли Дониёл Билур бор.
Яраланганлар шифохонага етказилган. Улардан баъзиларининг аҳволи ўта оғир.
Мамлакатда ҳаракат қилувчи бирорта террорчи тузилма ушбу ҳужум учун жавобгарликни ўз зиммасига олмаган.
