Фото: Reuters
Исроиллик ҳарбийлар мамлакат ҳаво кенгликларига кирган «Сухой» русумли Сурия ҳарбий қирувчи самолётини «Пэтриот» ҳаво ҳужумидан мудофаа тизими орқали уриб туширди. Бу ҳақда Исроил армияси баёнот берган.
Самолётга иккита ракета учирилган ва самолёт ерга қулаган. Учувчиларнинг тақдири номаълум.
Армия вакилининг маълумотига кўра, самолёт Исроил ҳаво кенгликларига киргунича кузатиб турилган.
Сурия ҳарбийлари эса ушбу самолёт Голан тепаликлари яқинида ИШИД жангариларига қарши ҳарбий амалиёт ўтказаётганида ҳужумга учраганини маълум қилишган.
«Исроил бизнинг ҳарбий самолётимизга Ярмуқ водийси яқинидаги Сайди туманида ҳарбий амалиёт ўтказаётганида, Сурия ҳаво кенгликларида ҳаракатланаётганида ҳужум қилди», дея манба сўзларини келтирган РИА Новости.
